बुलडाणा सचिन खंडारे
दि १८ जानेवारी रोजी सकाळी ७ वा. दरम्यान समृद्धी महामार्ग चानैज क्रमांक ३३६. ८ मुंबई कॉरिडोर वर एक भीषण अपघात झाला अपघात एवढा जोराचा होता की यामध्ये कारचा अक्षरचा चुराडा झाला . व रस्त्यावर कारचे अलग अलग सुटे भाग विखुरली गेले. कार क्रमांकMP-28-CB-9530 चा चालक श्रव मेलानी वय वीस वर्ष राहणार नागपूर, हे आपल्या मित्रासोबत नागपूर वरून संभाजीनगर कडे जात असताना कारचालक ला झोपेची डुलकी लागल्याने कार अनियंत्रित होऊन समोर जात असलेला ट्रक क्रमांक एम एच- १२- यूएम- ३४३३ चे चालक वैभव रावसाहेब व्यवहारे वय २८ वर्षे रा. कवडीपाट, लोणी काळभोर, ता. हवेली ,जिल्हा पुणे हे हळुवारपणे इमर्जन्सी लेनवर आपले वाहन चालत असताना पाठीमागून भरधाव वेगाने येणाऱ्या कारच्या चालकाला झोपेमुळे समोरील ट्रकचा अंदाज न आल्याने पाठीमागून उजव्या साईडच्या टायर जवळ कार धडकली व कार पुन्हा मध्यभागा मधील बॅरियर ला धडकून यामध्ये ड्रायव्हर च्या बाजूला समोर बसलेले कार मधील सुजोग सोनी वय २० वर्ष रा. नागपूर हा जागेवरच मरण पावला. व सोबत असलेले आयुष जैन वय वीस वर्ष रा नागपूर हा गंभीर जखमी झाला. व चालक किरकोळ जखमी झाला. त्यांना तात्काळ समृद्धी महामार्ग १०८ ॲम्बुलन्स चे डॉक्टर वैभव बोराडे ,डॉक्टर यासीन शहा, चालक दिगंबर शिंदे, व शैलेश दळवी यांनी जागेवर प्रथम उपचार करून पुढील उपचार कमी जालना येथे घेऊन गेले तसेच,समृद्धी महामार्ग क्यूआरव्ही टीमचे कैलास आघाव, श्रीकृष्ण बच्छीरे, इंगोले ,गोपाले, कराळे ,अभिषेक काणेकर व पवार या सर्वांनी अथक प्रयत्न करून मृतक व जखमी यांना वाहनाच्या बाहेर काढले. तसेच काही काळ अपघात ग्रस्त कार चे सुटे भाग महामार्गावर अस्तव्यस्त झाल्याने महामार्ग पोलीस चे पीएसआय शैलेश पवार ,पोलीस हेडकॉन्स्टेबल दिनकर राठोड व निवृत्ती सानप यांनी महाराष्ट्र सुरक्षा बल चे भगवान गायकवाड, राठोड ,जोशी ,यांच्या मदतीने वाहतूक नियंत्रित करून अपघात ग्रस्त कार पोस्टे सिंदखेडराजा येथे रवाना केले व वाहतूक सुरळीत करण्यात आली. महामार्ग पोलीस मलकापूरचे प्रभारी अधिकारी संदीप इंगळे यांनी सर्व वाहनधारकांना आवाहन करीत आहे की महामार्गावर चालताना सर्व नियमाचे पालन करून व पुरेशी झोप घेऊनच वाहने चालवावी व अपघात टाळता येईल.